ع الخدمة قالوا الفخامة...,قيمه....,مــركز ... , واحتـرام
فى الشلة تعنى المكانة , وكلمة ليها تعظيم سلام
وكتير ما قالوا ع الخدمة لباقه , وكام زيارة و فريق تمـام
أخويا قالى :الخدمة نشاط , وصاحبى قال: صلوه وهيام
احتار دليلي ...رحت لسيدى …
طلبت منه فهم وعلام
راح قال: يا ابني...لو خدمة تبني..,يبقى الاساس هو خــدام
و الخادم من يشارك بحب خيره،ويدي غيره فوق الميزان
قليل ما ياخد كتير ما يدي ،حاسب ما عنده ملك الانـــــام
يمد ايده لعـون صديقه…..، ويـدي الغـريب أكتر كمـــــان
مش بالكلام ,
كل الكيان ينشر محبة يبعد خصام
دى الخدمة مش بلاغة فى الخطابه مش لباقة وكتر الكلام
الخدمة انك تقوم تبشر ،تذيع تخبر،بصلب ربك بعد الالام
بحب و بسـاطة تقوم تنادى عن رب يغفر كــــل الاثــــام
تشهد وتعلن .. انه ينادى... بفرحة تغمر كــــــل الانـــــام
تبقى الشهادة اسلوب حياتك بالعمل مش بالعلام
والخادم
يـقــرا ويتعـلم ، يـسمع ويستفهم
يكبر مع الايام
صـاحي لنفسه صاحي لروحه, عقله بيكبر ويا الايـــمان
يصحى تملي فى الفجر بدري، يروح لسيده ويفتح كلام
يحكى معاه كل المشاعر, كل المخـــاوف وحلـم الزمان
وفى كلمة الله يلهج و ياكل ,يشبع ويلقى عزا وسلوان
سألنى سيدى :
تعرف مواهبك ...؟
أقعـــد و فكـــــر…..ا زاى تتـاجـر فيهــا بنظـــام
تقدر تقـدم بيها الرسالـة , تقدر تنور بيها الظلام
كانت عظيمة ..,كانت بسيطة.., بالرب ليها تأثير عظـام
لازم تطــور فيها وتكسب للــرب بيـها نفـــوس كمــــان
وبعد الكلام نظر لى سيدى ،وبحب قام وقال السلام
موضوع: ع الخدمة قالوا 
الإثنين مايو 16, 2011 2:04 am
